Наьсарен кхале сагота дешаш кхоачашде болалургба
АргӀанара кхетаче дӀайихьар Наьсарен кхален администраце кулгалхочо Исмейланаькъан Амирана, цига дийцар доал деча даькъ тӀара лоархӀаме дешаш. Кхетаче дӀахьош терко тӀаяхийтар хица дувзаденнача хаттарашта, иштта юрташка санитарни хьал дика лоаттадара.
«Хицара хаттар кхален бахархошта эггара лоархӀамегӀа да. Администраце кулгалхочо цу гӀулакха бехктокхаме болча нахагара хьадийхар, этта хьал тоадара йоагӀа план оттаяр. Кхоачамбоацар сиха юстардаккхара йола ханаш а белгалъе еза. Санитарни хьал дийцар. Гӏулакх техкачул тӀехьагӀа, лостам лоаттабара даькъ тӀа, дукха кхоачамбоацараш нийсделар. Цунца дувзаденна Исмейланаькъан Амирана декхар оттадир ший болхлошта хьалхашка, кхы тӀехьа ца тотташ лостам бе», - аьлар «Сердало» газетага Наьсарен кхален администраце.
Цу гӀулакха тӀахьожаш хургба боагӀаш бола болхлой. Къаьстта йола терко лоаттаергья хьалхашка нийслуш долча кхоачамбоацарашта. Цу даькъ тӀа къахьегара декхар хьалхашка оттадир, хоадам боллаш йолча организацешта.
