«Берашта массе хана хьалха даха деза, интернете гIолла болх беча зуламхошта, кара ваха йиш йоацалга. Эггара хьалхарча юхьанца, цу мугIарера къамаьлаш деш йола, сайташ йита еза. Нагахьа, цхьа тешам боаца хIама зийна моттиг хуле, дIаала деза цIагIарчарга, хьехархошка. Интернете гIолла, ца бовзача нахаца, цхьаккха хьаман тIехьа къоастам бе отта мегаргвац!», — белгалдир Миннаца болхлоша.

Цар кхетам лакхъбара тIехьа, интернетацара гIулакх мишта лораде деза яздаь дола, брошюраш дийкъар берашта. Къамаьл дир, иштта, берий даьшца, ноаношца, хьехархошца. Хьалхадаьккхар, берашца массе хана цу хьаькъехьа дола къамаьлаш дIакхахьа дезалга, дешара паргIата бола ха цар мишта дIакхухь, малагIа тайпа сайташка багIа, сенца бувзам лелабу - тохкаш хилар. Вай мехка дукха беркате кхуврчаш хьадийлад, берашта салоIама, шоай кхетам, спортивни хьал лакхдара тIехьа. Цу дерриганен тIахьожам лоаттабеш хила беза, цIагIара боккхагIа бараш.