Илдарха-ГӀалан Сийлен парке, цӀайна хетаяь кхетаче дӀайихьар
05.06.2025 10:03
ГӀалгӀай Республикан 33 шу дездир Илдарха-ГӀалан бахархоша моттигерча Сийлен парке.
ЦӀайна хетадаь доккха концерт хилар цига, яхаш, дийцар «Сердало» газетага мэре.
«ЦӀай дӀадихьар безаме, цхьоагӀо йолаш массаза санна. Культуран ЦӀагӀа Ӏомалуш бараша дог ураоттадир, Даьхе хестаеш хиннача иллешца. Керттерча хьаьшашта- берашта, цар даьшта-моттигерча администраце кийчъяьяр аниматораш юкъе бола дика программа. ЗӀамагӀа долча берашта лаьрххӀа дола ловзараш вӀашагӀдехкадар, иштта дагалоаттама совгӀаташ а кхы дукха мерза хӀамаш а елар царна», - аьлар хоамо.
