ХӀетта даь бер эттӀаде дезаш моттиг нийсъелар, бераш деча керттерча моттиге
17.08.2024 23:15
Из моттиг хьайийллача денз, эггара хьалхара, чӀоагӀа хала лоархӀаш йола операци дӀайихьар перинатальни моттигерча лораша. Из хоам «Сердалога» бир унахцӀенон гӀулакхех йолча Министерстве.
«Ханал хьалха малхадаьнна бер дегӀаца инфекци, чурашта чӀоагӀа хала лазар долаш дар. Из дийна дисар тамаш йолаш дар цунгара хьал. БархӀ сахьата операци еш баьхкар лораш, хӀара минот кхерамах йизза йолаш. Лорий тоабо йоккха говзал гойтар, лакхача боараме чакхбаьккхар шоай болх. Даьла къахетамца, Цун низаца дийна дисар бер!» - белгалдир министерстве.
ХӀара денна меттадоагӀаш латт, малхадаьннад алалехь, урса кӀалха дижа дезаш хинна бер. Доккха дика да лорашта карагӀдаьннар, ма хулла из сихагӀа меттадоагӀаргдола болх дӀахьош ба уж тахан.
