Москверча Пирогова цӏерагӏча университете вайнаьха культуран Ди дӏадихьар
Российски къаман Пирогов И. Н. цӏерах йолча тохкама лорий университете цига дешаш болча нохчаша, гӏалгӏаша вайнаьха культуран Ди дӏадихьар. Студенташта, хьаьшашта вӏаший тхьовра денз вошал долаш хьадоагӏача нохчий, гӏалгӏай къамий тӏехьале, ӏадаташ, оамалаш йовзийташ болх бар из.
«Цӏен гаьна деша багӏаш болча вай къонабарашта шоай хьамсара республика дагайохийташ, хӏаьта кхыча регионашкарча хьаьшашта дӏаьхий дола вай ӏадаташ довзийташ, гӏулакх хилар цох. Дукха хӏама чулаьца яр программа. Къаман тайп-тайпара долча даарех чам баккха, халхарга хьажа аьттув бар цига», - дийцар «Сердалога» Москверча Гӏалгӏайчен массазарча викала фусаме.
Пирогова университете беркате ӏадат хинна дӏакхухьаш я иштта йола кхетаченаш. Цу дийнахьа кийчдаьча цӏайга гӏолла массане кхетадир, боккхагӏбараш лархӏар, ший деша да хилар, доттагӏал лорадар тайп-тайпарча къамех бола студенташ вӏашкаозаш хӏама долга.
