ГӀалгӀай метта итт денна чудоагӀаш, Наьсарера дешархой баха хилар мэре
Ший тайпара болам дӀабихьар, гӀалгӀай метта хетадаьча итт денна чубоагӀаш. Карарча хана из дӀахьош ба вай республике. Наьсарен №14 йолча ишкола дешархой бахар мэре. Къаман гӀирс тӀа а бийха, шахьара мэре баьхкабар уж, цига цар кхетаче хилар шахьара кулгалхочунца Йовлой Урусханаца. Цох дийцар «Сердало» газетага Наьсарен администраце зарбан болх лелабераша.
Из болам вӀалла а тара бацар, хьалхагӀа гӀалгӀай мотт хьехарашца кагирхой хулаш хиннача кхетаченна, цига дувцар къаман Ӏадатех, меттах, къаман культурах лаьца. Укх наькъа бераша гойтар шоашта гӀалгӀай мотт дика ховш хилар, шахьара кулгалхочунца дийцар гӀалгӀай автораша даьча йоазонех, таханарча денна хьалхашка латтача кхоачамбоацарех.
Вайна массаза ховш хила деза, диц а ца деш, мотт ховш волча сага лу низ а, хургдолча диканга сатувсар а, цох тешаш хилар а»,-аьлар Йовлой Урусхана.
