Тоаяьчул тӀехьагӀа, Эбарга-Юрта хьаеллаш я ишкол
Шолжа кхален Эбарга-Юрта, кердача дешара шера юха а ший наӀараш хьаелларгья №2 йолча ишколо. Хӏанз из гӀишло цӀенхаштта тоаеш латт, Яхаш, дийцар ГӏалгӀай Республикан Кулгалхочун, Паччахьалкхен зарбан-болх лелабераша.
Келаматанаькъан Махьмуд-Ӏаьлас цох дувцаш аьлар, из ишкола 1961 шера яьй, цигара дийша дукха бераш арадаьннад.
«Цу юкъа цу ишколера дийша арахийцад 20 эзар бер. Царна юкъе ба лораш, хьехархой, инженераш, культуран, спорта болхлой, уж тахан мохк дегӀабоалабеча шоашкара дакъа юкъедахьаш ба.
Гӏишло а материальни хьал а тишденнад, уж таханарча хано дӀадеххача беса дац», - аьлар республикан Кулгалхочо.
Белгалде деза, тоаяра балхаш дӀахьош да «ДикагӀа мел дар - берашта» яхача моттигерча проекта чудоагӀаш, из да къаман проекта цхьа дакъа. Дӏахьош дола балхаш ший тӀахьожаме лоаттаду республикан Кулгалхочо. Цу тайпара цо тӀадиллар моттигерча гӀишлон Министерствонна хьалхарча аргӀагӀа фо цӀенду гӀирс кердабаккхар, иштта дешара моттиге кхерамзлен Ӏалашо яр.
