ГӏалгӀайчен Вежарий-Юрта гуржий лётчикех болча дагалоаттама улг оттадир
01.05.2025 12:10
МагӀалбика кхален Вежарий-Юрта гуржий лётчикашта оттадаь сийленг хьадийллар, 1942 шера МагӀалбик лораеш тӀом лаьттача моттиге моастагӀчоа духьалъэтта цар шоай синош дӀадаларах.
Мехка Кулгалхочун зарбан болх лелабераша яхачох, из сийленг оттадар дувзаденна хилар «МагӀалбик» отряда дукха тохкама болх дӀабахьарах, цунна керда лар корайир лётчикаш дӀабехка хинна, бакъда уж бовзаргболаш бацар, цудухьа цхьана царна сийленг оттаде лаьрхӀар, МагӀалбик лораеш бейнача салташта санна.
«Советски Союза дукхача къамий бӀухой мугӀарашка хиннаб гӀалгӀай, селий, нохчий, гӀуозлой, татрий, кхы а дукхача къамий салтий, цар котало яьккхай моастагӀчунгара», - аьлар ГӏалгӀайчен кулгалхочо Келаматанаькъан Махьмуд-Ӏаьлас, из къаман истори хилар тӀатохаш.
