Соагӏӏапча таьзет хилар, Росгварде эпсар Боканаькъан Мурад дӏӏаволлаш
Магӏӏалбика кхален Соагӏӏапча таьзет хилар, Росгварде эпсар Боканаькъан Мурад дӏӏаволлаш. Из вар Россе Турпалхочун Боканаькъан Мустафай воккхагӏӏа вола воша. Мурад, цӏӏаьхха, машина наькъ тӏӏа нийсденна хьал бахьан долаш велар, цӏӏаккха ерзаргйоаца чов йисар цун гаргарча наьха, юртхой дегашка.
Шоай юртхо тӏӏеххьарча наькъ тӏӏа накъавоаккхаш гулбелар дукха нах: новкъостий, республикан ӏӏаьдала викалаш. Царца из бала бекъа вена хилар Гӏӏалгӏӏайчен Халкъа Гуллама кулгалхо Тӏӏумхой Мухьмад, мехка Паччахьалкхен вице-премьер Йовлой Мухьмад, Гӏӏалгӏӏайчен Кулгалхочун, Паччахьалкхен Администраце кулгалхо Мархенаькъан Анзор, иштта кхыбараш.
Цар кодам бийцар Боканаькъан Мурада гаргарча нахага, белгалдир эпсара валар - из ерригача республикан сагото хилар. Къамаьл деш цига хиннача наха хьаллаьцар дезал, иштта баркал аьлар цо ший амал дӏӏахьош даьхача толамех, из ший професси езаш хьавена хиларах.
Таьзета дагаухаш дар вахаре цунна карагӏӏдувлаш хинна дика гӏӏулакхаш: тешаме новкъост, бехктокхаме болхло, цӏӏенъюкъе а дика дезалхо волаш хилар.
Венначун дезало а баркал аьлар, шоашца из гӏӏайгӏӏа екъа мел веначунна, цу халача хана шоаш хьаллацарах, терко ярах.
