ГӀалгӀай къаман
юкъара газет

Кердадараш

Йоккхача-Ачалкхе 420 дешарочоа лаьрхӀа ишкола хьалъеш латт

ГӀалгӀайчен МагӀалбика кхален Йоккхача-Ачалкхе «Дешар» яхача къаман проекта чуйоагӀаш 420 моттига лаьрхӀа керда ишкол хьалъеш латт. Бахархой сатувсаш ба из хьалъяь яларга.

«Цу гӀишлонга дӀадодар 366,9 млн сом да. Из таханарча денга кхоачаш 30 процента кийча я. Каьхаташца дувзаденна гӀулакхаш кхоачашде таро йоацаш цхьа ха йоаяьй, бакъда хӀанз из болх сихбенна дӀахьош ба. Массе оагӀорахьа цхьана хьабеш ба цигара болх. Хетаргахьа, шоашта йиллача хана, уж болхлой йистебала тарлуш ба», - аьлар «Сердало» газетага ГӀалгӀайчен гӀишлошъяра министра гӀончас Иленаькъан Мусас. Йоккхача-Ачалкхе керда ишкол ца хилча яргйоацаш яр. Укхаза таханарча дийнахьа болх беш йола ишколаш геттара чӀоагӀа хьалйиза яр. Из дош къоастадергда керда ишкол хьалъяь яьлча, бераш а, шин даькъе декъаденна, ишколе аха дезаш хургдац.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде