Мероприяте дакъа лоацаш бар таханарча дийнахьа РФ граждански оборона министра, дагадоацача хатарий, уж нийсдара тIехьа декхараш кхоачаш деш вола Чуприян Александр, Туризма гIулакха йолча Федеральни агентства кулгалдеш йола Догузова Зарина, Къулбаседа Кавказе чуйоагIаш йолча регионий кулгалхой, «Туризман кхерамзле» яхача ассоциаце чубоагIаш бола хьалхле лелаераш, иштта, кхыча ведомствах бола болхлой а.

Полпредо белгалдаьккхар, Къулбаседа Кавказерча регионашка туризмо дIалоацаш дар лоархIаме дакъа долга, туризман гIулакх тахан СКФО экономика дегIайоалаярах а хьокхалуш долга.

Хьоахадир, таханарча дийнахьа, лоаман курорташка шоай болх дIахьош I80 туристически маршрут йолга. Тахан даьржа латташ хала у дале а, Россерча туристашта хьалхашка шоай моттиг мел ца ялийта вIаштIехьадаьннад цар. Лоаме — хIара саг лоравала везаш моттиг я, хIаьта, кхерамзлен гIулакх эггара лоархIамечарех да тахан. Хьалхашка латта дуккха хаттараш техкача, Чайка Юрес белгалдир, туризма кхерамзле лораяра тIехьа, болх беш мел волчо ший гIулакх лакха тIахьожам болаш дIадахьа дезалга.

ДIахьош болча балхага хьежжа хургда, наьха вахар а могашал лораяр. Цунга хьежжа, де дезаш мел долча кхоачамбоацарий списка оттайир. Цу гIулакха тIахьожам беш хургба Президента полномочни представителий РФ СКФО аппарата болхлой.