Эбарга-Юрта зӀамигача футболах йола яхьаш дӀайихьар
Шолжа кхален Эбарга-Юрта зӀамигача футболах йола яхьаш дӀайихьар, цига дакъа лаьцар кхаь командо. Уж яр Оздой Мухьмада футбольни команда, «Илдарха-ГӀала», «Шолже» яха тоабаш.
Яхьашта тӀахьожаш вар Шолжа кхален «ЦаӀ йола Росси» яхача парте моттигерча отделене секретарь Йовлой Мухьмад. Цох хоам бир тхога «ЦаӀ йола Росси» яхача ГӀалгӀайчен отделене зарбан болх лелабераша.
«Яхьаш яр Ӏан спортивни марафона чуйоагӀаш, салоӀаш йола ха, могашал тоаяра пайда эцаш, дӀаяхьара лаьрхӀа вӀашагӀъехка. Цига хӀара футболист ший физически, технически таронашка хьажа йиш йолаш вар. Белгалдоалар, дӀахо тренировкаш дӀахьош, де дезар фуд. Из деррига а спортивни говзал лакхъяра вӀашагӀделла дар.
Иштта дале а, яхьаш дӀаяхьара керттера бахьан из хинна Ӏацар. ХӀара ловзара доакъашхочунна самукъадоаккхар цу гIулакхо», - аьнна, белгалдир «ЦаӀ йола Росси» яхача моттигерча парте отделене.
