Гӏалгӏайчен столице дӏайихьар даарий фестиваль
Гӏалгӏайчен столице дӏайихьар мерзача даарий Фестиваль. Цига гойташ хиннар дар модз, хьовла, яхаш, дийцар «Сердало» газетага цу моттиге.
«Тахан Барта Гӏалах» хилар, дукхача хана денз шоашта хоза хеташ дола хӏама леладерий: нокхарий, иштта хьовла деш барий майда.
Доккха цӏай долча гулбелар республикан бахархой, хьаьший. Яхье дакъа лоацаш бар 29 саг нокхарий леладераш,10 саг даар кийчдераш. Бийхача кхелахоша мах оттабир даара дикала, иштта истола тӏа шу оттаде хара.
Дешара моттигий, рестораний, иштта доал дара организацей болхлоша гойтар эггара гӏалгӏай цӏихеза дола мерза хьовла, кхыдола мерза даараш кийчдара говзал. Модз доаккхараш, цхьан шергара 40 шерга кхаччалца болх беш бараша шоаш гойтар, цӏенача наькъ тӏа из хӏама дӏахьош хиларца.
Доакъашхоша белгалду, Гӏалгӏайче - из дика моттиг я нокхарий леладара. Къаьстта цудухьа вай модз Ерригроссийски яхье массайолча оагӏонех котдаьлар.
Яхьа чаккхе яьчул тӏехьагӏа, гуш хилар «Дикагӏа дола модз» яхача даькъ тӏа Чӏасанаькъан Мухьмад котвалар. Шоллагӏа моттиг яьккхар Эсамарзанаькъан Мухьмада. Кхоалагӏа моттиг Албохчанаькъан Абабукара.
Дикагӏа дола гӏалгӏай хьовла яхача даькъ тӏа белгалйир Къоастой Мадина. Шоллагӏа а кхоалагӏа а моттиг йийкъар Албохчанаькъан Заремайнеи Эккажкъонгий-Юртарча №5 йолча юкъерча ишколани.
