«ДЕКА» яхача кӏийлен тӏарча артисташа шоай говзал гойтаргья Магасе
Даьхен лорабой Ден хетадаь «ДЕКА» яхача кӏийлен тӏара концерт дӏахьоргда Магасе «Хьалхарчар болам» яхача мехкарча оагӏоно. «Сердалога» из хоам бир цу оагӏонцарча болхлочо Налганаькъан Рамзана.
«Магасе гуллургба «Турпалий оазаш» яхача Ерригача Россе дӏахьош хиннача проекте котбаьннараш, цӏихеза артисташ Дино МС, Тема Куба, Ерригача Россе хор «Хьалхарчар болам», Хьалхарбарий берий симфонически мерзий оркестра тоаба (дерижер - РФ культуран цӏихеза болхло Проскурин Сергей)», - дийцар тха газетага.
Оагӏой бетта 9-ча дийнахьа Магасерча сцена тӏа тайп-тайпарча оагӏонцара мукъамаш хозаргда бахархошта.
«Вай къаман культурацара, ӏадаташцара лоархӏамедараш гойташ хургда концерт. Яхь, сий, эздел, хьаьша лархӏар, дика хӏама доаржадар - деррига чулоацаш кхетаче хургья цох.
