Шолжерча ишкола юхера доазув тоадергда
Шахьара ӏаьдало тоадергда Шолжерча №7 йолча юкъерча ишкола гонахьара доазув. Тӏахьожама болх дӏахьош мэре белгалдир цу даькъ тӏа дукха кхоачамбоацараш хилар, яхаш, дийцар «Сердало» газетага рейд вӏашагӏъеллараша.
Администраце къахьегама отдела болхлой бахар цу дешара даькъ тӏа, Шолжа шахьара №7 йолча юкъерча ишкола кулгалхоша дехарах. Ше кхайкарал деш, кулгалхочо терко тӏаяхийтар дешара моттига тӏабоагӏаш дикал йола никъ цахилара, укхазара никъ кӏоагаш даьнна беха хилара, догӏаш дӏаухаш йола моттиг цахилара.
Иштта рейда доакъашхоша, Шолжа хи чу хӏамаш чукхувсаш, из бӏехдеш хилар а зийра, цо бахархошта дика вахара хьалаш хьакхоллара новкъарле ю. Уж хӏамаш леладерашта духьала боагӏаш бола болх бергба.
Мэре белгала ма дарра, из хаттар шахьара кулгалхочун теркама юкъе да, хӏана аьлча вахара гӏишлошта ӏалашо лоаттаяр шахьара кулгалхоша шоашта хьалхашка оттадеш дола керттера декхар да.
