Шолже керда тӏий тилла доладаьд Хьалхарча аьлех
Шахьар дегӏайоалаяра чудоагӏаш, хьаде доладаьд Хьалхарча аьле тӏагӏолла туллаш дола керда тӏий, яхаш, дийцар «Сердло» газетага моттигерча администраце зарбан болх лелабераша.
«Из проект хилар бахьан долаш, цу моттиге бахача наьха транспортаца лелара хьалаш аттача доахаргда. Из гӏулакх къаьстта чоалхане хулар ӏан замах, ара хаоттам хувцабелча, вахарца ювзаеннача моттигашта тӏабода никъ машинаца дӏаваха йиш йолаш хилацар. Болх тӏаийцараш дӏаболабелар кӏалхара къаьнара никъ хьалбаккха.
Дӏахо керттера балхаш дӏахьоргда кӏоаг боаккхаш, аьшка гом хьабеш, бетон чуйотташ. Из тӏий йистедаккха лаьрхӏад 2026 шу чакхдоалаш», - аьлар хоамо.
Тхоца къамаьл даьчо яхачох, тӏий дӏаьха хургда 50 метр, шера – 12 метр. Кхерамзлен ӏалашо яра, уллув гӏашлой наькъаш дергда.
