«Хьалхарчар Даьхе» яха ловзар дӀадихьар Шолжа-Шахьареи МагӀалбикеи
«Хьалхарчар Даьхе» яха ловзар дӀадихьар Шолжа-Шахьареи МагӀалбикеи. Из хоам «Сердалога» бир «Хьалхарчар болам» яхача оагӀон доакъашхо волча Налганаькъан Рамзана. «ГӀалгӀай къаман Ӏадаташ, мотт, оамалаш, иштта кхыдола культуран оагӀонца дувзаденнараш шоашта мишта довз гойта дезаш бар кагирхой.
Къамашта юкъерча йоккхача яхьашка шоай Даьхе лакхача боараме дӀагойтара, къаман сий, яхь лорадара, боккхагӀбараш лархӀарца дувзаденна гӀулакхаш мишта хила деза гойташ дар бераш», - йоах тхога бенача хоамо.
Шолжа кхале котало Шолжа-Шахьара № 4 йолча ишкола «Синерги» яхача тоабанна кхаьчар, шоллагӀа, кхоалагӀа моттигаш Эбарга-Юртарча № 2 йолча ишкола «Седкъий», «Маьлха зӀанараш» яхача тоабай доакъашхошта елар.
МагӀалбика кхале дӀайихьача яхьашка, эггара толашагӀа ба аьнна хьакхайкабир Заьзгакъонгий-Юртарча № 26 йолча ишкола «Ираз» яхача тоабан доакъашхой, шоллагӀча моттиге эттар Йоккхача Ачалкхерча № 22 йолча ишколера «Хьалхарбараш 2» яха тоаба, хӀаьта борза майдилг Йоккхача Ачалкхерча № 1 йолча ишкола «Кхетама талгӀеш» яхача тоабо йихьар.
