Шолжа-Шахьарерча Керда доттагӏал оалача урам тӏа, асфальт булларгба
17.09.2025 09:21
Шолжа-Шахьарерча цхьаькха урама куц эргадаккха лерхӏ хьакимаша. Бутт балале, асфальт ӏобулларгба Керда доттагӏал оалача урам тӏа. Из хоам «Сердалога» цу моттигерча администраце бир.
«ӏобилла асфальт 720 метр дӏоахал, 6 метр шорал долаш хургба. Цу проекта юкъе да догӏан хишта лаьрхӏа моттиг хьаяр, гӏашлой никъ ӏобиллар шорал 1,6 метрага кхоачаш.
Карарча хана асфальт ӏобилла кийчо еш боахк цига», - йоах тхогарча хоамо. Шахьарерча моттигашка хьажа араваьннача мэра, ӏумаранаькъан Аслана белгалдир, наькъаш боаггӏача боараме хилар кхерамзлен хьалаца лоархӏаме долга. Цо белгалдечох, из урам тоабе, яхаш, бахархоша дехар ду дикка ха яр.
