Шолже воркаут-майда хьае болабеннаб
Гӏалгӏайчен Шолже шахьара ӏаьдало хьалъе йолаяьй воркаут-майда. Керда спортивни дакъа хургда Харланова урамах, яхаш, дувц «Сердало» газетага администраце зарбан болх лелабеча Батиганаькъан Хьавас.
Из лаьттан дакъа дукха ха йоаццаш арендах леладеш хинначара юха доал деча ӏаьдалга да. Из бахьан долаш говзанчий таро хилар лоаццача хана шоай болх дӏаболабе. Хӏанз цун кӏийле еш дола балхаш да дӏахьош.
Таханарча заман спортивни дакъа хьакхолларгда, Российски Федераце паччахьалкхен программанна чудоагӏаш, иштта физически культура дегӏайоаляра йола Гӏалгӏай Республикан программа кхоачашъеш, лоаццача хана.
Ше цига вахача хана, Шолжа мэра ӏумаранаькъан Аслана аьлар, бахархой таро хургья 2025 шу чакхдоалаш из воркаут-майда йистеяларца цу балха мах оттабе.
Белгалду, хьатӏадоагӏача шера ӏаьдало лаьрхӏад сквер тоае, шахьара бахархой физически культура лелае таро хургйолаш, фега салоӏаргдолаш.
