Шелал хьаоттарца, кхерамзлен болх чӏоагӏбеш хургба Шолжа-Шахьаре
12.11.2025 15:23
Шелал хьаоттарца, кхерамзлен хьалаца бувзабенна болх чӏоагӏбеш ба Шолжа-Шахьаре. Из хоам «Сердалога» бир мэре зарбан болх лелабеча Батиганаькъан Хьавас.
«Администраце, ЖКХ, дешара оагӏонцарча моттигий, ЦРБ болхлоша хьаэттача шелала шоаш кийча болга белгалдеш, къамаьл дир кхетаче. Теркалдаь кхоачамбоацараш ма хулла сихагӏа юстардаха деза, яхаш, дийцар цига. Мэра гӏонча волча Сейнарой Бахьаудина, де дезар хьалхадоаккхаш, декхараш тӏадехкар цхьацца болча болхлошта», - йоах тхогарча хоамо.
«Шелал хьаоттарца наьха вахарера кхерамзленца дувзаденнараш боаггӏача боараме тоадаь хила деза. Моллагӏча дага доацача хӏаманна духьалъотта кийча хила деза вай», - аьлар мэра гӏончас.
