ЦӀи яьлча хоам бу гӀирс оттабаьб, дукха бераш долча дезалашка
02.11.2023 09:33
Гуйран ха хьаоттарца, цӀераш ювлара бахьанаш а дукхагӀа дарж. Илдарха-ГӀалий тӀа, Шолжа-Шахьаре, Жайрахьа кхале тӀахьожам лоаттабеча ГО, ВДПО, МЧС болхлоша цу мугӀарера шоай гӀулакх дӀадоладаьд. Шолжа-Шахьаре цӀеннах чуувтташ, нахаца къамаьл деш, чакхбаьлар уж. Из хоам «Сердало» газетага бу шахьара администраце.
«Дукха дезал болча, хала боахкача наьха цӀеношка цӀи яьлча, хоам беш йола хӀамаш увттайир цар. Бахархошта хьалхадаьккхар, цар шоай болх мишта бу. ЦӀерцара лораде дезараш хьалхадоахаш дола каьхаташ дӀадийкъар наха», - йоах тхогарча хоамо.
ЦӀи геттара дӀа-хьа яржалехь, цӀи йоае оарцагӀъухарашка хоам беш я уж хӀамаш. Из доккха гӀо да, наьха фусамаш лораяра балха тӀа.
