Шолжа-Шахьарерча Харланова урам тӏа, керда хин турбаш чуйоахкаш латт
18.11.2025 10:34
Харланова оалача Шолжа-Шахьарерча урамера хин оагӏув тоаеш боахк. Дукха ца говш, йистебала безаш ба болх. «Сердалога» из хоам бир мэре секретарь йолча Батиганаькъан Хьавас.
«Мукхйиача къаьнарча турбашта меттел 110 мм сома йола пластика турбаш чуйоахкаш боахк цига. Турбаш дагадоацача хана лелхаш дола хатар юстардаккхара тӏехьа дӏахьош болх ба из», - дийцар тха газетага.
Шахьара даь кулгалхочун гӏонча волча Беканаькъан Халида белгалдир, бахархошта боаггӏача боараме хий лоаттаде дагахьа дӏахьош аргӏанара болх из болга.
