Вахар хаьда МВД болхлой дезалаш болча баха хилар Шолжа-Шахьаре
23.06.2026 10:14
22 шу хьалха бӏехача зуламхоша мехка оттадаьча доккхача хатара юкъе вахар хаьда МВД болхлой дезалаш болча баха хилар Шолжа-Шахьарерча администрацера къахьегамхой.
«Шахьара дас Ӏумаранаькъан Аслана тӏадилладар из гӏулакх администраце болхлошта. Вице-мэр йола Келаматанаькъан Танзила, вахара гӏулакхех болча оагӏон кулгалду Йовлой Хади бар цига баха, 2004-ча шерарча аьтинга бетта 21-ча бийсанна, 22-ча дийнахьа зуламхошта духьаллаьттарий дезалашца къамаьл даь, цхьацца кхача чубола тускараш царна денна баьхкараш», - йоах тхога тахан кхаьчача хоамо. Дала гешт долда царна! Дала къахетам болба царех!
