Шолже къаьнара аьшка хин турбаш хувцаш я
28.05.2025 12:05
Мэра Ӏумаранаькъан Аслана тӀадиллача декхарах, хин аьшка турбаш 150 мм Шолже хувцаш я Дружба урамгара Чаненаькъан урамга кхаччалца, яхаш, дийцар «Сердало» газетага администраце зарбан болх лелабераша.
«Къаьнарча турбашта меттел, пластиках яь 250 мм йола турбаш чуйоахкаргья. 150 метр йолча хин турбашца дӀахьош бола болх шин кӀира йистебаргба. Ше цига хьажа вахача хана, шахьара кулгалхочо Ӏумаранаькъан Аслана белгалдир, хий тоадар эшаш дар, хӀана аьлча цу юхе деша даха ха йоацача берий моттиг я», - йоах хоамо.
Белгалду, 2021 шера денз, шахьаре 50% совгӀа тишъенна турбаш хийца хилар.
