Шолже дийцар «Хьалхарчар болама» шоллагӏча квартале даьхача толамех
Шолжа администраце дӏахьош хиннача кхетачене дийцар, «Хьалхарчар болама» моттигерча даькъо 2026 шера шоллагӏча квартале баьча балхах, яхаш, хоам бир «Сердало» газетага мэре зарбан болх лелабераша.
«Цу юкъа баьча балхах дувцаш, Ерригроссийски «Зарница 2.0» яхача тӏема-патриотически ловзара чаккхе йир, СПО дувзаденнача хьалхарча даькъа балахах, иштта хӏанз йола отделенеш дегӏайоалаярах, кердаяраш хьаелларах дийцар.
Кхетачен чаккхе еш, Ӏумаранаькъан Аслана терко тӏаяхийтар, из болх кагирхошца дӏабахьа безаш хилара, ма хулла цунца ювзаенна кхетаченаш дукхагӏа яра.
Цул совгӏа, цига дакъа лоацаш хиннараша чӏоагӏдир; каст-каста экологически акцеш дӏаяхьа еза, аьнна; иштта кхетаченаш дӏаяхьара йола майдаш хьакхоллара, цу гӏулакха тӏехьа болча нахаца бувзам лелабара ӏалашо е езаш хилар белгалдир», – аьлар тхоца къамаьл даьчо.
