Дегӏа могашал эшаеннача берашца кхетаче йир Шолжа-Шахьаре
08.12.2025 09:47
Дерригача дунен заӏапхой Ди белгалдеш, Шолжа-Шахьарерча № 2 йолча ишколе дегӏа могашал эшаеннача берашта лаьрхӏа кхетаче дӏайихьар ишкола кулгалхочун гӏонча йолча Махлой ӏайнас. Из хоам «Сердалога» бир «Бералла наькъаш» яхача проекта зарбан болх лелабераша.
«Теникий спектакль гойтар берашта цига. Гуш дар, бераш мел чӏоагӏа дог айденна, из хӏама дезаденна да. Ловзара юкъе дакъа лоацаш, халхабувлаш кхийстар уж цу дийнахьа», - дийцар тхога цу моттигера. Бераша вӏаший доттагӏал тессар, дог гӏоздаьнна болаш, дӏабахар уж цигара.
