Шолже кхетаче дӏайихьар, «Ханаца шира ца доала» яхача проекта чуйоагӏаш
Цӏерца къовсам лоаттабеча колледжо вӏашагӏъеллар Шолже «Ханаца шира ца доала» яхача проекта чуйоагӏа кхетаче, из хьакхайкаяьй Даьхе лораеш латтарий Шу, аьнна, РФ Президента амарах, яхаш, дийцар «Сердало» газетага цу боахама зарбан болх лелабераша.
«Цига гулбелар йоккхагӏа йолча курсе деша багӏараш. Из дӏахьош хилара бахьан дар кхувш йоагӏача тӏехьенна Даьхенцара безам совбоаккхаш кхетам балар, уж цу юкъе дакъа лоацаш хилийтар. Кхетаче дӏахьош хиннараша дийцар турпалхоех дӏадахача шерашка а, тахан а болаш болча турпалхоех, иштта исторически дагалоаттам бицбеш цахилар лоархӏаме долга, хӏара вахархочун Даьхе лораярах бола бехктокхам лакха хила безарах», - аьлар хоамо.
Из кхетаче дӏахьош, студенташ йоккха терко еш бар цу хьала, цар шоайла хаттарш а делар, иштта къамаьлаш а дир.
