Берий цӀайна хетаяь, йоккха кхетаче хилар Шолжа-Шахьаре
02.06.2025 09:43
Бераш лорадарах долча Денна хетаяь йоккха кхетаче дӀайихьар Шолжа-Шахьарерча культуран цӀагӀа. Из хоам «Сердалога» бир шахьара мэре.
«Хьалкхувш латта тӀехье лораяр мел лоархӀаме гӀулакх да хьалхадоаккхаш дар из цӀай. Шахьарерча культуран Дворецо, республикерча пхьарий Ассоциаце йоккха программа кийчъяьяр гулбеннарашта. Мукъама оагӀонца дувзаденнараш культуран цӀен вокалах болча кружока доакъашхоша, «Шолже» яхача ансамбла, «Берёзка» яхача берий бешо дӀахьош дар», - йоах тхога кхаьчача хоамо.
Мехкарча пхьарий Ассоциаце президент волча Галай Адама белгалдечох, тайп-тайпарча оагӀонашцара шоай говзал гойташ хилар хьаьший. Котбаьннарашта совгӀаташ луш, чакхдаьлар из цӀай.
