Шолжерча хатарех кӏалхарбоахачарна, цар профессиональни цӀай долаш, баркал аьлар
Шолжа-Шахьара мэра Ӏумаранаькъан Аслана грамоташ елар хатарашта духьаллаттарашта, цар профессиональни цӀай долаш. МЧСа болхой кхетаче дӀайихьар шахьара администраце.
«Шахьара Ӏаьдало баркал оалача каьхатаца безбир «Эрши» яхача лахара-кӀалхарбахара тоаба болхлой, Шолжа-Шахьара №3 йолча цӀерах кӀалхарваккхара даькъ тӀара говзанчаш, иштта Шолжа-Шахьарера, Илдарха-Гӏалий тӏара, Шолжера, Жӏайрахьара ОНДцарча ПР болхлой. Хӏара денна шоай болх дӀахьош унзара йолча моттигашка, шоай садехка къахьегаш бола болхлой даькъалабувцаш, шахьара кулгалхочо Ӏумаранаькъан Аслана белгалдир, кӀалхарваккхара ди - из даим новкъостала ва кийча волчун ди хилар», - йоах хоамо.
«Хьамсара МЧСа болхлой, ветеранаш, ираз хилда шун, могаш хилда шо, ма хулла кӀезигагӀа хилда шун балха даькъ тӀа сиха тӀакхача веза хатараш! Шун болх - из денала масал да, лакха балха говзал я», - аьлар мэре.
