Сиха оарцагӏъухарашта юкъера Ерригача Россе яхьаш хилар Шолжа-Шахьаре
Къилбаседа Кавказерча сиха оарцагӏъухарий Ишколашкарча тоабашта юкъера Ерригача Россе яхьаш дӏайихьар Шолжа шахьаре. Из хоам «Сердалога» бир МЧС колледжа зарбан болх лелабераша.
Массехк дийнахьа лаьттача яхьашка, къонача оарцагӏъухараша гойтар хьалхара гӏо дара говзал, декхарашта жоп далар, хи тӏа сага новкъостал дар.
Зӏамагӏ барашта юкъе котало Гӏаьбартой-Балкхарой мехкарча «Триумф» яхача тоабанга кхаьчар, коталон гарга болаш шоаш дӏагойтар хӏирий мехкарча тоабан доакъашхоша, хӏаьта кхоалагӏа моттиг Къарший-Черсий мехкарча «Урупчанхой» яхача тоабанна кхаьчар.
Боккхагӏбарашта юкъе хьалхарча лагӏа тӏа вай мехкара «Хьалхарча моттигера Хьалхарбараш» яха тоаба эттар, шоллагӏа моттиг Гӏаьбартой-Балкхарой мехкарча «Цӏена дог» яхачоа елар, кхоалагӏча моттиге Селий мехкара «Бухь» яхар эттар.
