Эбарга-Юрта нах вӏашагӏкхийтта моттиг хилар
Хин моттигех лораваларах дувцаш, гулбенна хилар Эбарга-Юрта. Из хоам «Сердалога» цу моттигера бера.
«Шолжа юхе из доккха хатар хинначул тӏехьагӏа, мехкарча Россе МЧС Керттерча оагӏон кулгалхочун гӏончаш болаш болх дӏахьош болча Албохчанаькъан Хьусена, Котанаькъан Ахьмада бахархошка кхайкарал дир; ахкан хана берашта къаьстта чӏоагӏа терко лоаттае, аьнна. Наьк де ховш дале а, цхьаь хин моттигашта юхе ма ахийта бераш!
Лувча йиш йолаш моллагӏа моттиг йоацилга, из чӏоагӏа кхераме долга берашта хьалхадаккха, аьнна, тӏадиллар кхетаче. Шолжа кхаленна кулгал деча Татенаькъан Ӏисайца дийцар цар цу оагӏонца дувзаденнарех, тахан Шолжа тӏа нийсденнар мо дола хатар дӏахойодача хана хургдоацаш, лораде дезараш малагӏаш да хьалхадаьккхар Котанаькъан Ахьмада», - йоах тхога кхаьчача хоамо.
