Гӏалгӏайчен почто шера баьча балхах дийцар
Магасе дӏайихьа, журналисташа дакъа а лоацаш, Гӏалгӏай Республикан Федеральни почта бувзама урхаллен, шера баьча балха чаккхе еш йола кепайоазон кхетаче, аьлар «Сердало» газетага цу моттиге.
Цу кхетаченна чудоагӏаш, Гӏалгӏай Республикан Федеральни почта бувзама Урхаллен кулгалхочо Гаьгенаькъан Ислама гойтар, 2025 шера баьча балхах дувца керттера толамаш, цу юкъе дар вахара проекташ дегӏаяра даькъ тӏа даьха толамаш, керттерча балха даькъ тӏа къахьегаш болча болхлошта совгӏаташ далар.
Мехка СМИ викалашца ше къамаьл деш, Хаматхана Ислама белгалдир, Гӏалгӏай Республикан УФПС, ийс бетта мехка хьалхара моттиг йоаккхаш хилар, бакъда оагӏой бетта из пхелагӏча моттиге яьлар.
Урхаллен кулгалхочо яхачох, 2025 шера ийс бетта республикан почта бувзаме гӏолла чакхдаьлар 1,95 млн гӏулакх. Мобильни приложенешка гӏолла дика бувзам лелабеш хилар лакхделар 47%, 96 эзар саг ва цу юкъе хӏара бетта из лелаеш, из керттера толам ба.
«2025 - толамий шу. Керттера хилар Китайь мехкара мухь сихагӏа хьакхачара хьалаш хьакхоллар, иштта Wӏldberrӏes заказаш дукхагӏа лоаттадар, ВТБ финансови хьалаш почта доакъошка лоаттадар.
Почта отделеней балха хьалаш тоаде дезаш хилар чу а лоацаш, 2026 шера цар чу тоадара балхаш де лаьрхӏад. Цунна юкъейоагӏаш я Южни оала юрт, Пхьилекъонгий-Юрт. Эбарга-Юрт, Сурхотӏе, Вежарий-Юрт», - аьлар Гаьгенаькъан Ислама.
