Южнера ишкол тоаяь эргаяьккхар
Южнера ишкол тоаяь яьлар. Хӏанз цу дешара моттига чу хошаргва 320 дешархо, хӀаьта дешар цхьан сменах мара хургдац. Из нийсделар «Дешар» яха къаман проект хиларах, яхаш, дийцар ГӏалгӀай Республикан Кулгалхочун, Паччахьалкхен зарбанболх лелабераша.
Керда ишкола - из таханарча заман кхозза вӀаштӀара яь ишкола я. Цо, тӀера бӀаргаяйча меттел, чура а гӀадвуг селлара хоза хиларах. Ишкола чухьнахьа я лифт, таханарча хьалашка хьежжа хьалъяь кхача кийчбу моттиг, даима хьоадоагӀа хий.
Йоккхий классаш, актови зал, спортивни зал, лорий фусам, берий дика дегӀадара таро хургйолаш.
1985 шера хьалъяь хинна къаьнара ишкол таханарча заман хьалаш чудолаш яцар, цул совгӀа дешара моттигаш а кхоачам боаллаш яцар. Хӏанз керда ишкола хьаелларо из шеддар кхоачашдир, лерттӀача хьалашка берий деша таро я.
