Веннача Наьсарен прокурора фусам-нанна, Москве йолаш, машин елар
2004-ча шера веннача, Денала орден еннача Наьсарен шахьара прокурора Бузуртанаькъан Мухарбика фусам-нана Бузуртананаькъан Марина еза хьаьша яр, полицен, эскара юкъе дӀахьош хиннача, шоай балха декхараш кхоачашдеш бейнача Ӏаьдала болхлой сийна дӀахьош хиннача Халкъашта юкъерча XVIII-ча дзюдо турнир хьаеллача.
Россе Генеральни прокурора Лопатин Геннаде, сенатора Хамченаькъан Билана, Москверча ГӀалгӀайчен массазарча викала Илезанаькъан Михаила Дауда Маринайна совгIата луча машина дӀоагӀаш дIаделар Дауда Маринайга.
«2007 шера денз, «Тхона дагадоагӀа» яхача программанна чудоагӀаш, Оргкомитета бейнача турпалхой гаргарча наха машина дӀоагӀаш а квартираш а лу. Царех дукхагӀбараш «Майралах» яха майдилгаш, Российски Федераце Турпалхо яха цӀераш енна ба, байначул тӀехьагӀа. Тахан «Тхона дагадоагӀа» яха болам дӀахьош бар. Вайна массайолча хана дагабоагӀаргба; кхерабенна юха ца боалаш, харцо, къизал тӀаеча денал гойташ; духьалъэттараш», - аьлар «Сердало» газетага Илезанаькъан Михаила.
Бузуртанаькъан Маринайца цу кхетаче баьхкабар Россе тайп-тайпарча моттигашкара 50 дезал. Уж бар майралца духьалъэттача турпалхой гаргара нах.
