СВО доакъашхочо ГӏалгӀайчен бахархой тӀахьийхар, терроризман кхерама цхьоагӀонца духьалъотта
ГӀалгӀай къаман сийлен, дагалоаттама Мемориала доазон тӀа дӀайихьар кхетаче. ГӏалгӀайчен бахархой, мехка Ӏаьдала болхлой, юкъарча цхьанкхетарий викалаш бар цига. Дукха нах гулбенна дагалоаттама кхетаче йолча, кхайрал дир Донбасс йоаккхаш дӀахьош йолча Россе лаьрххӀача операце доакъашхочо Къоастой Ахьмада, из хӀанз «Турпалхочун никъ» яхача кулгал дара болхлой кийчбеча программо балха йилла ха йоаккхаш ва.
«Укх дийнахьа дагадох вайна терроризмо дена лазар, балаш, цо чӀоагӀду вай цхьоагӀо хилар, моллагӀча унзарча хьала духьалаъотта кийча хилар, юкъарло лорае барт хилар. Хӏанз; дагалоаттама, сийлен Мемориала юхе латташ; вайна дагабена Ӏац терроризма бӀехача гӀозаро боабаьраш, иштта цунна духьала лаьтта турпалхой; цунца цхьана вай чӀоагӀо ю вай республике а, иштта берригача мехка а барт, цхьоагӀо хилийта. Цхьана вай лораде таро я кхувш йоагӀача тӀехьен вахар», - аьлар Къоастой Ахьмада, ше къамаьл деш.
ГӏалгӀайчен бахархой дика довзаш ба, терроризма унзара гӀулакхаш. Дукхаза террористаш чухьийлха дӀадихьар бехк боацача наьха вахар, республикан исторе оагӀон тӀа ерзаргйоаца човнаш юташ, из дицдаь ха йоагӀаргьяц гӀалгӀай къаманга. Лазар, бала - из да уж унзара ханаш мел яйнараш цаӀаш даь вӀашагӀтохаш дар. Вайна дика хов терроризмо адамлен ираз мел доаду, сага вахар дӀадахьарца, цун а цун гаргарча наьха а дегашка даим лешаш йола човнаш юташ. Барт, цхьоагӀо хилар - из да вайна духьалъотта новкъостал дер. Унзарча хӀаман духьала юкъарло цаӀ санна оттача хана; хӀаране кхетаду, цхьана мара воай дезал, гаргара нах лорабе могардоацилга. Цу хана терроризмо ший низ лаьгӀбу. Къаьстта цхьоагӀонца ба вай керттера низ.
Вайна дагаух террористаша даь доккха хатараш, кодам бувц цар кулгах бейнарий гаргарча, кхоачарча нахага. Оаха дош лу, уж бицбаь ха йоагӀаргьяц, хӀаьта вай къаман цхьоагӀо, барт тешшаме духьале я терроризма гӀулакхашта.
