«ГӀажарий-Юртарча культуран цӀагӀа дешархошца кхетаче дӀайихьар МВД ветеранаша. Кхувш латтарашта нийса никъ хьехаш, къамаьл дир генерал-майор волча Ӏарчакханаькъан Х. М., РСВ штаба кулгалхочо Султиганаькъан А. Х., ветераний моттигерча совета доакъашхо волча Йовлой Ю. А.», - йоах тхогарча хоамо. Кхувш боагӀарашта цар дийцар, воча наькъа тӀахьехаш болча зуламхоех мишта лоравала веза. Хьалхадаьккхар, цу тайпарча нахаца цхьаккха тайпара бувзам лелабе, цар дувцачунга ладувгӀа йиш йоацилга. Иштта дешархошта дийцар, Украине латтача тӀема операцен керттерча декхарех, хӀара саг ший къаман, мехка уйла еш, Даьхенах дог лазаш хила везарах.