Йоал яла еза моттигаш гучайоахаш ба Илдарха-Гӏалий тӏара хьакимаш
18.02.2026 12:42
Мэр волча Дидиганаькъан Ахьмада тӏадилла, шахьарерча моттигашцара йоалаца дувзаденнараш мишта латт хьожаш рейд дӏайихьар цу оагӏонцарча болхлоша.
«Шахьарерча цхьацца болх дӏахьош йолча моттигашка гӏолла чакхбаьлар администраце викалаш, шахьара Кхела депутаташ. Кхача бохкаш йоацача йоккхача тикашка гӏолла дӏайихьар рейд укх наькъа. Хӏама йохка бокъо луш дола каьхат, къахьегама оагӏонца оттабаь бартчӏоагӏам, иштта кхыдараш дий хьежар уж. Дӏайихьача рейдо цхьацца кхоачамбоацараш гучадаьхар, уж юстардахара де дезараш белгалдир рейд дӏахьош хиннараша», - дийцар тхога шахьара мэре.
