МагIалбика района хьакимаша, культура тоаяра тIехьа къахьегача болхлошта, гIо дергда
Руководитель администрации Малгобекского района Камбулат Кузьгов провел встречу с работниками культуры муниципального образования. В районе в настоящее время функционируют 11 сельских Домов культуры, а культурная сфера объединяет здесь около полутора сотни человек. На встрече были затронуты вопросы, связанные с повышением профессионального уровня кадров, выявлением и поддержкой молодых талантов, а также обсуждались проблемы, с которыми сталкиваются представители культурно-досуговой сферы.
Цу районе чудоагIаш дола культура ценош, таханарча дийнахьа, 11 да. Кхетаче хьакима дувца оттадаь керттера дош дар, культура цIен къахьегамхой цу оагIонцара шоай болх тоабеши, лакхбеши хила безар. Иштта, теркалдир, юрташкара начIал дола къонабараш гучабоахаш, царна ховш йола говзал йоаржаяра тIехьа, къахьега дезалга. Тахан латтача хана, из хIама геттара чIоагIа терко е езарех да, аьлар Кхузнаькъан Къамбулата. Хьоахадир, культура цIен болхлошта хьалхашка латта кхоачамбоацараш а. Низ дIа ма кхоачча гIо деш хургба шоаш, аьлар администрацен кулгалхочо.
«ТIеххьарча шерашка, вай къаман культуран оагIув тоабара тIехьа хьадаьраш кIезига дац. Из хьал тоадеш бола болх кхы дIахо а дIахьоргболаш ба тIатеIIа. Вай массане кхетаде деза, таханарча дийнахьа из болх лоархIамегIчарех болга. Вайна эш могаш йолаш, начIала тIехьа къахьегаш, къаман накъаяргйола, цун сий лакха лоаттадергдола тIехье. Цунга хьежжа, дер дайна уж леларгбоацаш, цхьацца беркатеча гIулакхашта юкъе лаца беза вай. Вай дукха да начIал дола, цхьацца говзалаш караерзаяь бераш. Из дIадахьа, цох шоашта а къаман а беркате кхоане хургьйола наькъаш хьалаца гIо де деза царна. Къаьстта юртарча кагирхошта геттара чIоагIа теркам бе беза», — белгалдир ший къамаьла юкъе
Кхузнаькъан Къамбулата. Шоай оагIорахьа, хьалхашка латтача цхьацца, кхоачамбоацарех дийцар культура цIеной болхлоша. ХIаьта, уж кIезига дацар - дIа-хьа баха машенаш ца хилар, гIишлошта ремонт е езаш хилар, иштта кхыдараш а. Царна эшаш долча хIаман тIехьа, гIо де хьажа соцам бир Кхузнаькъан Къамбулата.
