Керттерча базара доазонга хьажа вахача шахьара дас белгалдир Ӏалаьмате чехка тоаде дезараш. Ха чакхъяьнна, маьлхо, догӀо бесаздаьха хӀама нахалдоаккхаш дола улгаш, дӀа-хьа ахара новкъарле еш латта бӀарчча Ӏамаш, иштта дукха кхыдараш а дайра цига.

Шахьара да волча Оздой Руслана тӀадиллар, хӀама йохкарашта шоай хӀама довзийтар боаггӀача боараме хургдолаш хувцамаш де, аьнна.

«Массайолча моттигашка лостам хила беза», - аьлар мэра. ТӀонганаькъан цӀерах болча ураме хӀама йохкаш мел йолча моттигашка гӀолла чакхбаргба тӀахьожараш. Ерригача шахьаре бергба из болх.