Шолжерча Ӏаьдало кхерамзлен Ӏалашо ергья, дагалоаттама денош долаш
Шолжерча Ӏаьдало тӀехьара тӀа кхерамзлен Ӏалашо ергья, гӀалгӀай къам Казахстане, Юкъерча Азе Ӏодахьийта, мехкахдаьккха 82 шу дуза дагалоаттама ди дӀахьош.
«Шахьара кулгалхочо Ӏумаранаькъан Аслана кулгал деш, Антитеррористически кхела кхетаче дӀахьош, бехктокхамеча моттигий викалаша шоаш беча балхах дийцар. Теркама юкъе дар, саькура бетта 23-гӀа ди долаш кхерамзлен Ӏалашо яр а.
Доал деча даькъ тӀарча администраце кулгалхочо тӀадиллар из хаттар хоадам боллаш дика кхоачашдар, беррига ӏаьдала болхлой цунна юкъеозаш (администраци, полици, МЧС, Росгварди, дешара урхалленаш), иштта Шолжа даькъ тӀа цхьоагӀо хургйолаш шоайла бувзам лелабар», - аьлар хоамо.
«Йоккха кхетаче дӀахьоча хана; Шолжа бахархой, хьаьший кхерамзле лораяр, шеко йоацаш, хьалхарча декхарех да», - аьлар мэра.
