Трудовой оалача урамера зӀамигача футбола доазув тоадеш ба Шолжа-Шахьаре
Трудовой оалача урамера зӀамигача футбола лаьрхӀа дола доазув тоадеш болх дӀаболабаьб. Из хоам «Сердалога» бир Шолжа-Шахьарерча мэре.
«Ялх шу хьалха тоаяьяр из моттиг; бакъда, болх дӀахьош хиннараша шоай гӀулакх боаггӀача боараме чакхцадаккхарах; кӀалхара кӀийле ханал хьалха телхай. КӀийле нийсъе оттале хьалха, е езаш хинна кийчо яьяц цар. Ма дарра аьлча, жагӀа ца тоссаш, кӀалхара буц хьалтӀаювргйоацаш де дезар ца деш, Ӏийнаб уж, хӀаьта тахан йиллача кӀийленах чакхъяьнна, хьалтӀаяьнна латт буц, ловза йиш йоцача хьале я из моттиг», - йоах хоамо.
КӀалхара кӀийле хьалъийца, моттиг тоаеш боахк цига тахан. ТӀера лаьтта дикка шаьрде, буц тӀаювргйоацаш тоаде дезаш да. Из беррига болх чакхбаьккха баьлча, керда хӀама тӀайилла тӀехе кийчъергья; цул совгӀа, лампаш егӀа, кхыйолча моттигашта кулг тохаргда.
