Хин бердий хьал тохкаш хилар Шолжа-Шахьарера кхелахой
Хин гонахьарча моттигашка хьожаш, бердий хьал тохкаш хилар тахан Шолжа шахьарера хьакимаш. Хий айденна болх хуле, гонахьа бахача наьха боахамашта зе хила тарлуш дий хьажа дӏахьош бар из болх. «Сердалога» из хоам шахьара мэре бу.
Геттара дукха догӏаш латтарах, хий айденна хатар хуле гонахьа бахача наьха ковнашка из чудалар мел кхерам болаш да тахкар духьа арабаьннабар уж нах. Хин бердаца ӏоуллаш бола Крупскаяй цӏерах болча урама хьал дар дукхагӏа царна дагадаьллар.
Гонахьарча бердий моттигаш чӏоагӏъеш болх дӏабахьа лаьрхӏар цига. Эггара керттердар да хатар хьаоттале, хьалххе кийчо яь хилар, тӏаккха кӏезигагӏа хургба кхерам а», - йоах тхога бенача хоамо.
Хиво зе дар кхерам болча массадолча ковний хьалага хьожаш, де дезар хьалххе белгалдеш дӏахо дӏахьоргба из болх.
