Дукха ха йоацаш Шолже тоабаьча урамга хьажа баха хилар мехкара хьакимаш
16.09.2025 09:06
Дукха ха йоацаш тоабеш болх дӏабихьача Фестивальни оалача урама хьал малагӏча боараме да хьажа бахар Шолжа-Шахьарера хьакимаш. Из хоам «Сердалога» бир администраце зарбан болх лелабераша.
«Болх мишта дӏабихьаб хьажа баха хилар шахьара да вола ӏумаранаькъан Аслан, шахьара кхела кулгалду Оздой Ингисхан. Болх боаггӏача боараме чакхбаьккхабий техкар цар», - йоах тхогарча хоамо. Шахьара дас белгалдир, 150 метрага кхоачаш бӏаьха, 6 метр шера болча наькъо, 100 метрага кхоачача гӏашлошта биллача наькъо бахархой хьал дикка аттача доаккхаргхилар.
Хьалха «Сердало» газето яздаьдар, ФОКа юхерча Фестивальни оалача урама моттиг меттайоалаеш боахк, аьнна.
