Шолжа-Шахьарера хьакимаш юридически оагӏонцара йоалацара кхоачамбоацараш тохкаш ба
13.11.2025 15:43
Юридически оагӏонцара йоалаца дувзаденна кхоачамбоацараш тахка арабаьлар Шолжа-Шахьарера хьакимаш. Бохтаранаькъан цӏерах болча урам тӏа рейд дӏахьош хилар уж. Из хоам «Сердалога» бир мэре зарбан болх лелабеча Батиганаькъан Хьавас.
«Йоалах йолча моттиге дӏаязбаь латташ боацарашца болх дӏабихьар администрацерча болхлоша. Цу оагӏонцара кхоачамбоацараш гучадаохаш, гӏулакх дӏадахьар бокъонга хьежжа хила дезилга хьалхадоаккхаш бар уж», - дийцар тха газетага шахьара мэре.
Иштта йола рейдаш Шолжа-Шахьаре хан-ханнахьа дӏакхухьаш я, бизнесаца дувзаденнараш боаггӏача боараме хургдолаш.
