Хин хьал тоадара тӀехьа къахьегаш ба Шолжа шахьарера хьакимаш
16.07.2025 09:19
Керда гӀув яьккха, кхален моттигашкара хин хьал тоаде гӀерташ къахьегаш ба Шолжа-Шахьарера хьакимаш. Из хоам «Сердалога» бир шахьара мэре зарбан болх лелабераша.
«Менделеева оалача урам тӀа бахача наьха хьал аттачахьа даккха дезаш ба 11-ча гӀувна болх. Цу юкъе да квартирех латта вӀаштӀара даь цӀенош а. Кхерамзлен хьал лорадара тӀехьа, гонахье картаца чулаьца, бийсанна сийрда хургйолаш лампаш сега, болх дӀабихьаб цига. Цу моттиге лоархӀаме болх дӀахьор ток боаггӀача боараме лоаттае еза трансформатор я», - дийцар тха газетага.
Ӏумаранаькъан Аслана белгалдечох, кердача насоса 25 кубометр хий сахьата лакхедоаккхаргда, 24 сахьата – 600 кубометр хул из. БӀарччача дийнахьа, бийсан цӀена хий хургда бахархошка хӀанз, Даьла къахетамца.
