Шолжера ӏаьдал юкъарча транспорта болх тоабе гӏерт
Шолжера ӏаьдал хьожаш да юкъарлон транспорта болх тоабе. Цхьацца дола декхараш дийцар шахьара мэре кхетаче дӏахьош.
«Кхетаче йолаш, шахьара кулгалхочун гӏончас Беканаькъан Халита тӏадиллар нах дӏа-юха кхувлараш кастагӏа рейсах лелийтар, цар наькъа бокъонаш лораяр, иштта сов бола нах транспорта чу цахилийтар. Мархий бутт болаш, Шолже-Наьсаре лела машинаш даим хьа ца кхоачаш хул, цудухьа водителаш шоай болх лерттӏа дӏахьош хила беза, цу юкъе наха эша хьалаш а лоаттадеш. Керттера терко тӏаяхийтар шоай ханнахьа уж лелара, иштта кхерамзле лораяра», - аьлар мэре.
Тхоца къамаьл даьчо яхачох, Беканаькъан Халида доакъашхошта белгалдаьккхар, водителаш графикаш йохаеш, наькъа кхерамзле телхаеш хуле, уж законах доагӏаш ма хиллара бекхтокхаме озаргхилар.
