Шолжерча Ӏаьдало къахьег, йоал ца луш йола моттигаш гучайоахаш
ГӏалгӀайчен Шолжа-Шахьара бахархоша болх дӀахьу, йоал яла еза моттигаш гучайоахаш. Цу гӀулакха хетаяь кхетаче дӀайихьар моттигерча мэре, яхаш, дийцар «Сердало» газетага из болх вӀашагӀбеллараша.
«Кхетаче дӀахьош, хьурматеи ахчани даькъа отдела кулгалхочо Баркинхой Аслана йоал йоахача болхлошца цхьана дийцар, къайлагӀа болх лелабеш хилар гучадаьха йола зӀамига, юкъера къахьегама моттигаш (МСП) дӏаязъяра хаттараш. Ӏаьдала лоархӀаме да патента оагӀорахьара болх нийса дӀабахьар, къахьегама оагӀонаш лелаяр, иштта йоала балхах пайда эцар, йоал ялара даькъ тӀара хьал, шоай доалахьара хӀама леладеш болча наха нийса леладар, цу юкъе Ӏаьдала бокъонаш телха а ца еш. Из оагӀув къаьстта техкар гулбеннараша», - аьлар хоамо.
Комиссена хетачох, из болх цхьана дӀабахьа безаш ба, йоал яла езача моттигаша беш бола болх гучабоаккхаш.
