Шолжерча Ӏаьдало теркаме ийцар, продуктий маьхаш айдара хьал
Безача Рамадан бетта, Шолжера Ӏаьдал тӀахьожам лоаттабе лаьрхӀа да кхачан даарашта, яхаш, дийцар «Сердало» газетага Батиганаькъан Хьавас.
«Тӏахьожама болх дӀабихьар Шолжерча йоккхача моттигашка. Иштта мэре экономикан, ахчан даькъа говзанчаш хежар хьайбай машан, маькха, Ӏовний, дулха, баьцадаарий, шекара, хьоара маьхаш лакхдаьдий. Къамаьл деш мах берашта хьалхадаьккхар безача Рамадан бетта маьхаш лакх ца деш, шоай боарамах хилийтар. Кхачан даарашта тӏакхеташ дола маьхаш 10% дукхагӏа хила йиш яц, хьайбай машанна - 6%. Тӏахьожама болх дӀахьош, «Шолже», «Деррига цӀенна эшараш», «Асан» яхача супермаркеташ маьха боарам лорабара йолча чӏоагӏон кулг яздир»,- аьлар хоамо.
Рейдаш вӀашагӀъехкараша яхачох, цар иштта теркалдир хӀара товара тӀа маьхаш хилар, хӀана аьлча уж деррига даараш хоадам боллаш мах тӀаболаш хила деза, кассе гӀалат дергдоацаш.
