Ӏаьдало кодам бир СВО бейнарий дезалашка
11.05.2025 21:06
ГӏалгӀай мехка массехк таьзет хилар; СВО бӀухой Хамхой Илеза, Гуцаранаькъан Адама, Кхоартой Хьамзата, уж турпалаш болаш бейра лаьрххӀа тӀема декхар кхоачашдеш.
ГӏалгӀай Республикан хьалхара вице-премьер Йовлой Мухьмад, шийца республикан Ӏаьдала болхлой а болаш, Эбарга-Юрта, Илдарха-Гӏалий тӀа, МагӀалбике ваха хилар бейнача турпалхой таьзеташка.
Республикан кулгалхой цӀерагӀа кодам бувцаш, мехкадас Келаматанаькъан Махьмуд-Ӏаьлас тӀадиллача декхарах, Йовлой Мухьмада цар дезалашта загӀа делар. Вице-премьера тешал дир, царна эшаш дола новкъостал республикан кулгалхой оагӀорахьара лоаттадергхиларах.
