Къонача спортсменашца викторина йир мехкарча гӏо дераша
Вай мехкарча гӏо деш лелараша дӏайихьар къаман исторех, культурах , ӏадатий хӏама хьаллацарах йола викторина. Спорта хетадаьча цӏайца лоархӏаме моттиг дӏалоацаш хилар из. Белгалде деза, къонача тӏехьен из боккха пайда беш долга.
«Шоай Даьхенца дувзаденнараш довза, кхетама хьал тахка аьттув бар къонабарий. Къонача зиракаша, ше-ше хьалхавала гӏерташ, дувцар къаман юкъе тхьовра денз латтача ӏадатех, лоаман гӏалай исторех, мехка цӏихеза хиннача бахархоех. Берригаш дог айденна болаш, чакхдаьлар из гӏулакх.
Къаман истори шоашта малагӏча боараме довз дӏагойтар къонабараша», - йоах «Сердалога» мехкарча кагирхой гӏулакхех йолча Комитетера кхаьчача хоамо. Кагирхой, чӏоагӏа раьза болаш, дакъа лоацаш хул ишттача викторине. Шоай Даьхен истори довзара тӏехьа, царна дикка пайда беш болх ба из.
